يَ هلا والله و مسهلا .. اسفرت و انورت بقدومكم الدار يَ الغوالي
وراكم مستحين .. ترى ما فيه أحد غريب
بس عازمه كل فنتوكات المنتدى ع الفطور
<< أحلفي يَ شيخه
طبعاً أشكر يَ روحي آنا ع الفكرهـ للمرهـ الثانية .. و اعتذر عن التأخيير لظروف خارجة عن الإرادة
فحياكم الله على سفرتي المتواضعة و اللي اتمنى تنال إعجابكم
عايدي إذا ماعجبكم شي قولوا ترى أنا روحي رياضية و اتقبل النقد و البلاغة ..
<< بدت الملاغة ..
يَ الله أول شي روحوا غسلوا يَ حلوين
مسحتوا يدينكم
يَ الله قولوا بسم الله
/
/
هذي موجز السفرة و نوافيكم بالتفاصيل
<< ماصار فطور صارت أخبار
/
/
/
/
الطبق الأول
النوع : شوربة بطاطس
المقادير :
4 حبات بطاطس
مكعب ماجي + موية
كأس حليب سائل
دقيق
الطريقة :
- تقشر البطاطس و تقطع و تغطى بالماء و يضاف إليها مكعب الماجي لحد ماتنضج ونتركه لحد مايبرد
- يحمس الدقيق تقريباً كأس بقليل من الزيت حتى يتحمر قليلاً
- نحضر الخلاط و نضيف البطاطس بماءها + كأس الحليب
_ يخلط معها الدقيق و توضع على النار
ملاحظة : الشوربة بتصير ثقييييله زيدي عليها مويه لحد ما انتي تشوفين أنو ثقلها معقول
وإذا حابه تضيفين لها ( قطع لحم أو دجاج أو حتى حبات ذرة أو فطر ) .. إنتي وحسب رغبتك
الطبق الثاني
النوع : قطع الخبز بالثوم
المقادير :
صامولي
ربع إصبع زبدة
ملعقة ثوم مطحون أو تزيدي شويه ( حسب رغبتك )
2 ملعقة مايونيز
3 ملاعق جبن سائل
بقدونس
الطريقة:
- تذاب الزبدة و يضاف عليها الثوم
- ترفع عن النار و يضاف إليها المايونيز + الجبن و تخلط ثم تعاد على النار
- بعد مايتجانس ويصير شبه سائل نرفعه عن النار و نضيف عليه البقدونس
- نقطه الصامولي تقطيع مائل و نضيف الخلطة على كل قطعه و بعدها ندخلها للفرن حتى تتحمر .
ملاحظة : ( الثوم .. بإمكانك وضع كم فص ثوم ني لكن أنا فضلته مطحون )
يعني على حسب الرغبة
الطبق الثالث
النوع : ورق عنب
المقادير + الطريقة
( مستعيرتها من كتاب أطباق النخبة )
إذا حابين أكتبها رجعت و كتبتها من عيوني على حسب ماتأمرنا عليه طال عمرها
( يَ رحي آنـا )
الطبق الرابع و الآخير
النوع : عصيرات + جيلي
المقادير للعصائر :
علبة فراولة صغير
علية جوافة صغير
ملعقة آيس كريم فانيلا
فيمتو
مارشميلو
الطريقة :
عصير الفراولة + ملعقة الآيس كريم
( نخلطها مع بعض لحد ما يتفتح لونها وإذا حابه تفتحينه أكثر زيدي آيس كريم )
عصير الجوافة + الفيمتو
( حطي بأسفل الكأس شويييية فيمتو و صبي فوقها عصير الجوافة ويطلع لك متموج )
الحركة متعووب عليهاا ..
طبعاً ماحصلت شي أزين فيه الكأسات الا حلاوة المارشميلو
الجيلي :
علبة جيلي
كأس موية حار
كأس موية بارد
4 حبات جبن مثلث
( تذوبين الجيلي بكأس الموية الحار بالأول بعدين تضيفين الموية البارده و تصبينها في زبديات صغيره )
( تأخذين تقريباً كأس و تخلطين الجبن معاها طبعاً بالخلاط بعدين تصبينها فوق الجيلي وهذا كله
قبل لا تدخلينه الثلاجه )
وإذا خلصتي دخليها تبرد
وصحتين و عافية على قلوبكم
و يَ رب أكون قدرت أشبعكم و تقدرون بعدها تروحون لصلاة التراويح و أنتم خفيفين
وإلا أقولكم تبغووون علك عشان يخرط الأكل
<< يا كثررر قرقك
يَ الله صبايا .. أنتظر آرائكم